Mer suechet e(n)
Bürogummi(ne)
wo gern Plän und Röhrli mölelet.
Am
bestä us de Röhrliböck- Szenä metemä Abschluss, cha aber au vom Hölzige oder
Metallbau us cho (Hauptsach kein Handwerk- Legastheniker)
Went Luscht hesch, chasch din Allewerteschte au ine
Auto ie höcke und of de Baustelle metem 2metrige zämeklappbare Bieröffner oder
Roggä-Chraz-Steckä go usmessä.
Mer zeigert der denn gern wie mer mues 2 und 3 zämezehlä, das zo dinere
Zeichnig vilicht grad au no en Priis chasch abgeh.
Met denä Sache söttsch z Schlag cho oder schomol ächli
gspielt ha:
–
Am bestä met Handwerchzüg und
Elektrogrät.
–
Met Farbstift und ärä Tastatur
–
E bizli Freud dra ha zom met Chunde und Mitarbeiter umezbralä
–
Jo nöd grad umähüülä wenns mol äschli streng werd
–
Wemmer der d Arbet mol zeiget het, söttsches denn au emol selber chönä
–
und vorallem söttsch Arbetä mache womer nocher nöd all mues go no botzä
–
Schö wär wennt au no chönnscht Autofahre
Met
denä Vorussetzigä chönntsch du bi ös folgendes machä:
–
Selber und met Isatz vo dim eigene Oberstöbli d Arbetä fixfertig dörezieh
–
Darsch för die Anderä au Zeichnige molä, so dass die denn au chönd Schaffe
–
wennt wötsch chasch au zwöschetdöre mol Röhrli böckä oder schweisse
–
E Liste zämestellä wasmer bruucht oder bruucht het
–
Met de gfräsetä Böde go Puzzli zämesetzä
Mer
hettet scho en huffe parad:
–
Alli notwendige Spielzüg
–
Loschtigi Lüt wo chönd schaffä
–
Chasch allpot nämis Anders machä
–
Guet igrechteti Plätz wo di chasch ustobä
–
Wenn der elei s Schibelä zviel wert, chasch au mol dossä bi de andere metmachä
Dem
seitmer Projektleiter Fussbodenheizung- Trockenbausystem
Wenns
di interessiert chasch di gern Bewerbä.
